كلية الحقوق جامعة الزقازيق
اهلا وسهلا بيك فى منتدى كلية الحقوق جامعة الزقازيق
كل جديد معانا


الحقوق .... عدل , حياة
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
جميع امتحانات كليه الحقوق جامعه الزقازيق فقط على منتدانا
كل جديد معانا على منتدى كليه الحقوق جامعه الزقازيق

شاطر | 
 

 و رغم كل شىء بحبك يا مصر

اذهب الى الأسفل 
كاتب الموضوعرسالة
Black-Man
محامى ذهبى
avatar


مُساهمةموضوع: و رغم كل شىء بحبك يا مصر   الإثنين مارس 30, 2009 2:41 pm

بسم الله الرحمن الرحيم

في البداية أنا عارف أنكم ممكن تزهقوا ما تقروش اللي أنا كاتبه ده بس هيا حاجه أنا كان نفسي اكتبها وخلاص .. وربنا يتقبل



اكثر شعب أثار فضولي
هو الشعب المصري

واسمحولي اكمل كلامي باللغة المصرية

أنا مش بقول كده علشان إنها بلدي وبس

لا بجد وبالعكس ده اللي أنا ملاحظه

تحس كده انه شعب طيب جداا

شعب يبضحك .. ابن نكتة زي ما بنقول

حتى في المصائب بيضحك

ممكن تلاقي اكتر من ألف نكتة جديدة في اليوم بتتقال

متعة الشعب ده كتيييييرة جدااا

بس بجد احلى حاجه تلاقيها فيه

ان كلنا بنحب بعض وبنخاف على بعض

حلاوتنا ان اي حاجه بتحصل في الدنيا تلاقينا على طول بنتكلم فيها

بالذات الرجالة الكبار اللي طالعين على المعاش وهما قاعدين على القهوة

ناس تسمع منهم حكمة بتدل على سنين عاشها في تعب

علشان يجوز ابنه او بنته

تلاقيه بيرجع بيته يلاقي زوجة بتعمل الاكل

وتحكيله على كل اللي حصل طول اليوم

الراجل اخر الشهر بيرجع زعلان ومخنوق علشان مادخلش البيت ومعاه حاجه لولاده

واول الشهر ده عيدهم .

تلاقيهم بيتكلموا في الدين والعلوم وحتى الكورة..

وممكن كمان تلاقي الواحد راجع من بيته ونازل يقعد قعده جميلة مع صحابه اللي من ايام السبعينات

ويقعدوا يضحكوا مع بعض.. اللي يقول نكته .. واللي يتكلم في السياسة .. واللي واللي واللي.

احنا شعب دمنا حر .. حر جدا كمان

اجدع ناس ممكن تلاقيها بتشارك في القضايا المعاصرة

وتعمل مظاهرات .. ناس بتحب الحركة

مش بتحب تقف واقفة وحاطة ايدها على خدها

اجمل حاجه في مصر

تلاقي راجل غلبان بيبيع عيش

واقف جنب محل ودكان كبييير وفخم

تلاقي المدير.. صاحب الميكانيكي

تلاقي المسلم.. بيصاحب المسيحي

عندنا وحدة وطنية جميلة جدااا

الغلبان مش بيسال حد

ولو سال تلاقي وشه في الارض من كتر الكسوف

باختصار همنا على بعضنا

ويا سلام على ولاد الحارة الواحدة

رجالة بحق وحقيق ناس بتجيب عيشها بعرق جبينها

مش مهم المرتب صغير

المهم انه بينام وهوا راضي عن نفسه.

وعلى فكرة احنا برضة ناس بتتنرفز بسرعة شوية

بس مش على الفاضي والمليان

وناس خدومة بطريقة جميلة

يعني اللي يزور مصر .. باختصار البيت بيته

مش هضحك عليكم في ناس بتحب تعيش حياتها على ظهر ناس تانية بالنصب او او او

بس لو دخلنا جوا قلب الناس دي هتلاقي كمية من الحنان مدفونة.

عندنا الاهرامات .. وابو الهول .. والنيل

النيل ده بقى حكاية لوحده

أطيب قلب في العالم هو قلب النيل

مجمع طبقات المجتمع المختلفة في مكان واحد

جوا قلبه

تلاقي الراجل الغلبان بيصطاد سمك .. ومن جنبه تلاقي مركب كبير فيها سياح

على جنبه اليمين تلاقي المساكن الشعبية

على جنبه الشمال تلاقي الفنادق والعمارات العالية

بس ارجع مرة واحدة كده وبص معايا بتركيز شوية

هتلاقي ان الاتنين بيبوصوا على النيل

مش قلتلكم النيل مجمع كل شعب مصر

أطيب ناس عندنا .. النوبة

ناس طيبين بجد وتلاقي عندهم الدين بحق وحقيق

ناس غلابة جدااا بس أغنياء

غناهم طيبة قلبهم... وهما عارفين كده كويس

عندنا الأزهر .. ولما أقول الأزهر يبقى دين بجد

يبقى ناس بتخاف من ربنا

عندا مسجد الحسن والحسين والسيدة زينب

بس المشكلة اننا ماشين تبع عرف او تقليد من زماااان قوي

وده في حد ذاته مش جهل ..

شعب مصر .. مطلع علماء كتييير واسألوا التاريخ

علماء كانت بتذاكر على الشموع والمصابيح

اهلها كانوا طيبين جداا وغلابة

بس بصوا الناس دي طلعت مين

طه حسين .. نجيب محفوظ .. الطهطاوي .. الشعراوي .. زويل

ناس بتحب بلدها بجد

الشباب بقى دول حكاية تانية خاااالص

الولد ممكن يقول انا مش عايز اقعد في مصر علشان مافيهاش اكل عيش كويس

بس بالليل بيعيد حساباته تاني

وهوا مسافر بالطيارة .. بيبص من الشباك بصة اخيرة على بلده

وبيتمنى انه يسيب الدنيا ويرجع بلده تاني

ولو حتى اكل عيش وملح .. بس بلده

عارفين ليه ؟؟؟ لأنه مش هيلاقي حضن ادفى من حضن بلاده

حضن مصر

واسألوا الناس اللي عايشة بره مصر

مشكلتنا ..

اننا مش عارفين نوظف نفسنا بطريقة سليمة

علشان كده ممكن تلاقي نسبة بطالة عالية جداا

بس عندنا دماغ توزن العالم ده كله .. ممكن تقول ما فيش دخل كويس

علشان احنا نسبتنا كبيرة

بس برضه بنحمد ربنا على كل حاجه

عارفين اكتر حاجه مدايقانا ايه دلوقتي ؟

اللي بيحصل في العالم اليومين دول

بس برضه ادينا عايشين مرتاحين شوية..

مش هقدر اقول الا الحمد لله رب العالمين

انا مش عارف اصلا كتبت الكلام ده ليه .. ومش عارف اذا كنتم هتوصلوا لاخر كلامي ولا لأ

بس في حاجه جوايا حبت تكتب الكلام ده ..حبي لبلدي

حبي للغلابة للناس الطيبة حبي لصحابي ممكن يكون حبي ليكم

معرفش

انا حبيت اكتب كده وخلاص

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HaMaDa
محامي المستقبل
avatar


مُساهمةموضوع: رد: و رغم كل شىء بحبك يا مصر   الإثنين مارس 30, 2009 11:34 pm

موضوع جامد والله يا محمد تسلم بجد

ومهما حصل فعلا لازم الواحد يحب بلده

والله العظيم انا كنت بسمع متش مصر مع زامبيا لما جابوا جون التعادل حاسس انى فى حاجه بتنسحب منى


بجد انا بحب مصر جدااااااااااااا

وافتخر انى مصرى


افتخر اوووووووووووووووووووووووووى



بحبها بجد على رأى الاستاذ حسين الجاسمى كأنك امى




سلامى للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
king.7k0k
محامى ذهبى
avatar


مُساهمةموضوع: رد: و رغم كل شىء بحبك يا مصر   الثلاثاء مارس 31, 2009 9:33 pm

هههههههههههههههه


افتخر يا حمادة ان مصر امك


مش عاوز اطول ف الكلام

علشان ممكن تكون فية عصافير ف المنتدى

طبعا فاهمين يعنى اية عصافير

ولو محدش فاهم ((امن الدولة ))

احنا مش ناقصيين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Black-Man
محامى ذهبى
avatar


مُساهمةموضوع: رد: و رغم كل شىء بحبك يا مصر   الأربعاء أبريل 01, 2009 2:13 am

هههه اه يعنى هتتجاب
هتتجاااب
يا معلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
و رغم كل شىء بحبك يا مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية الحقوق جامعة الزقازيق  :: اجلس مع الفرفشه :: فضفض معانا وقول اللى فى نفسك-
انتقل الى: