كلية الحقوق جامعة الزقازيق
اهلا وسهلا بيك فى منتدى كلية الحقوق جامعة الزقازيق
كل جديد معانا


الحقوق .... عدل , حياة
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
جميع امتحانات كليه الحقوق جامعه الزقازيق فقط على منتدانا
كل جديد معانا على منتدى كليه الحقوق جامعه الزقازيق

شاطر | 
 

 الأراجـــوز ... < سيد حجاب >

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HaMaDa
محامي المستقبل
avatar


مُساهمةموضوع: الأراجـــوز ... < سيد حجاب >   الأربعاء أبريل 22, 2009 1:46 pm

السلام عليكم
*********

روائع السيد حجاب


الاراجوز


على هذا المنتدى كليه الحقوق


وفقط

الأراجوز




أراجوز .. أراجوز .. إنما فنان

فنان .. أيوه .. إنما أراجوز

و يجوز يا زمان أنا كنت زمان

غاوي الأرجزة طياري .. يجوز

إنما لما الكيف بقى إدمان

باجي أبص لشيء واحد أرى .. جوز

أرى إيه؟ أرى إيه؟ أرى أرى أراجوز

***
فلسان .. كحيان .. أيوه أنا فلسان


إنما برضك .. راجل إنسان

بأضرب بالألف لسان و لسان

و باكلها بعرقي .. و مش إحسان

راجل و الرجولية لا عضلات

و لا ألابندة و سيما و حركات

الرجولية الحقيقية ثبات

قدام جبونية أي جبان

****

أراجوز أنا و أحمي أرى أرى إيه؟

أحمي قراريط الناس من مين؟

من الناس الأرى أرى إيه أرى إيه؟

من الناس القراميط الملاعين

ماهو أصل أنا مش من الأرى أرى إيه

مش من القراطيس

و لو الحال مال مقعدش أنا على

أرى إيه أرى إيه؟ .. قرافيصي و أطنش ع الأندال

لازم أشك الأندال مهموز

و أدوس ع اللي افترى و العنطوز

م أنا أرى إيه أرى إيه؟؟ أرى أرى أراجوز

****
أراجوز .. و شجيع .. و الدنيا ميدان


فارس .. حارس .. واقف ددبان

و إذا بان للشر نيبان و زبان

باحمي الغلبانة و الغلبان

و شجاعتي ماهياش في الطاخ طيخ

دي شجاعة تفكير و تماخيخ

الأرض أضربها تجيب بطيخ

بذكاوتي و أخللي الخلا بستان

****

أراجوز أنا .. و الدنيا أرى إيه؟

قرشانة و احنا شبر شبيط

ياما قرمتني و أرى أرى إيه؟

قرصتني ف لباليبي و أنا كبير

فسرحت أنفخ أرى إيه أرى إيه؟

أراغيلها و أغني يا ليلي يا عين

و أتمسخر على أرى إيه أرى إيه؟

أراذلها الفجرة الطماعين

و أضَّحَك كل صبي و عجوز

ع اللي بيتنطط فرقع لوز

مانا أرى أرى إيه؟ أرى أرى أراجوز

****

أراجوز .. و سايقها هبل في جنان

و أنا قلبي .. ملان جدعنة و حنان

و أبان ساهي سهتان سهيان

إنما عقلي للعدل .. ميزان

أنا فلتة .. إنما مش فلتان

و ساعات حرنان .. و ساعات زنَّان

يمكن علشان وحداني .. ما ليش أراجوزة تاخدني بالأحضان

****
أراجوز أنا .. و أقدر أرى أرى إيه؟


أراعيكي و أشيلك في عيوني

و إذا مرة زعلتي أرى أرى إيه؟

أراضيكي بعقلي .. و بجنوني

حُطِّي من السما على أرى أرى إيه؟

أراضيّه و اسلِّم لِك أمري

و كُلِي معايا في أرى إيه أرى إيه؟

قروانتي يا كروانة عمري

و بَدَل مانا كده ملوي الَبَزبوز

أصبح لك جوز معزوز محظوظ

إيه يا ترى إيه؟ أرى أرى أراجوز

أرى إيه؟ أرى إيه؟ أرى أرى أراجوز

.
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمدمكى
محامى جديد
avatar


مُساهمةموضوع: رد: الأراجـــوز ... < سيد حجاب >   الجمعة مايو 15, 2009 8:47 pm

تسلم ايدك يابرنس الليالى
وبصراحه جميله جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشهيدى
محامى ذهبى
avatar


مُساهمةموضوع: رد: الأراجـــوز ... < سيد حجاب >   الجمعة مايو 15, 2009 9:15 pm

تسلم ايد ياحماده وتسلم الموضوه والله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HaMaDa
محامي المستقبل
avatar


مُساهمةموضوع: رد: الأراجـــوز ... < سيد حجاب >   السبت مايو 16, 2009 2:05 am

شكرا يا احمد على ردك وانت بجد منورنا



وشكرا يا شهيدى على ردك



تسلمولى بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
king.7k0k
محامى ذهبى
avatar


مُساهمةموضوع: رد: الأراجـــوز ... < سيد حجاب >   الإثنين مايو 25, 2009 8:53 pm

يووووووووووووووووووووووة


تسلم لنا المواضيع الحلوة الى من الناس الحلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الأراجـــوز ... < سيد حجاب >
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية الحقوق جامعة الزقازيق  :: لغـة الحــقوق :: اللغه العربيه ( الشعر والامثال)-
انتقل الى: